fyrir fjóra
2 kjúklingabringur
smá salt
1/2 blaðlaukur, smátt saxaður
1 rauð paprika, smátt söxuð
3-4 hvítlauksrif, pressuð
1 msk ólífuolía
1 l kjúklingasoð, (1 l vatn + 1 kjúklingateningur)
1 dós saxaðir tómatar
4 msk chilisósa eða bara chili-
krydd
3 msk tómat-paste
100 gr rjómaostur
nachos-flögur
rifinn ostur.
Byrjað er á því að skera kjúklingabringurnar í bita og sjóða þær svo í vatni með dálitlu salti þar til þær eru eldaðar í gegn. Það má alveg steikja þær ef fólk kýs það frekar, þær verða bara mýkri við suðuna. Léttsteikið blaðlaukinn og paprikuna í ólífuolíunni við vægan hita, bætið hvítlauknum við í lokin. Hitið vatnið í öðrum potti og leysið kjúklingateninginn upp í vatninu. Bætið grænmetinu út í kjúklingasoðið ásamt hökkuðum tómötum, chilisósu og tómatmauki og látið súpuna malla í 10 mín. Bætið rjómaostinum í súpuna í þremur hlutum og láta hana malla dálítið á milli svo að rjómaosturinn leysist upp. Bætið að lokum kjúklingabitunum út í og hitið með súpunni í smástund. Þegar súpan er komin í skálar skal strá muldum nachos-flögum og rifnum osti yfir, jafnvel líka smá sýrðum rjóma. Voilá!
Súpan jafn góð ef ekki betri upphituð daginn eftir.
